ტერორისტული ორგანიზაცია “ალ-ქაიდა” სირიაში საკუთარი ხალიფათის შექმნას გეგმავს, - ამის შესახებ გერმანული გამოცემა Die Welt იუწყება.

“ალ-ქაიდას” ლიდერმა აიმან ალ-ზავაჰირიმ რადიკალური ისლამის მიმდევრებს გაერთიანებისკენ მოუწოდა და სირიას მსოფლიოს ყველა მუსლიმისთვის დიდი იმედი უწოდა.

როგორც Die Welt წერს, ალ-ზავაჰირი მზად არის ხალიფატის შექმნას საკუთარი უფლებამოსილება შეწიროს.

“თუ შეიქმნება მუსლიმური მთავრობა და იქნება არჩეული იმამი, მაშინ თქვენი არჩევანი იქნება თქვენი არჩევანი”, - განაცხადა დაჯგუფების ლიდერმა.

მედიის ინფორმაციით, ალ-ზავაჰირიმ “ალ-ქაიდასთან” დაკავშირებულ დაჯგუფებას “ალ-ნუსრას ფრონტს” მოქმედების თავისუფლება მიანიჭა.

Die Welt ვარაუდობს, რომ “ალ-ქაიდას” ლიდერის განცხადების შემდეგ, ტერორისტებმა შესაძლოა, მოქმედებები გააქტიურონ და ახალი თავდასხმები განახორციელონ.

ცნობისთვის, “ალ-ნუსრას ფრონტი” სირიის იდლიბის პროვინციის დიდ ნაწილს აკონტროლებს. გერმანული გამოცემა არ გამორიცხავს, “ალ-ნუსრას ფრონტმა” სირიაში მოქმედ სხვა ტერორისტულ დაჯგუფებებთან გაერთიანების შესახებ მოლაპარაკებები დაიწყოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი