უკრაინის შეიარაღებული ძალების 95-ე ცალკეული საჰაერო-სადესანტო ბრიგადის მებრძოლებმა რუსეთის საზღვრის ერთ-ერთი მონაკვეთი გაარღვიეს. ამის შესახებ ინფორმაციას უკრაინული მედია ქვეყნის შეიარაღებული ძალების საჰაერო-სადესანტო ძალების სარდლობის კომუნიკაციების დეპარტამენტზე დაყრდნობით ავრცელებს.

როგორც მედია წერს, მებრძოლებმა გაავრცელეს ვიდეო, სადაც კომუნიკაციების დეპარტამენტის ინფორმაციით, ჩანს, თუ როგორ ჭრიან სამხედროები გასასვლელებს საინჟინრო ზღუდეებში და როგორ შედიან საჰაერო-სადესანტო ქვედანაყოფები მტრის ტერიტორიაზე. ასევე ვიდეოში ნაჩვენებია შეტაკებები საზღვრისპირა ზოლში, სადაც საჰაერო-სადესანტო ჯარების ტანკისტები მოწინააღმდეგის საყრდენ პუნქტს ანადგურებენ.

"უკრაინის შეიარაღებული ძალების 95-ე ცალკეული საჰაერო-სადესანტო ბრიგადის ქვედანაყოფებმა რუსეთის საზღვრის ერთ-ერთი მონაკვეთი გაარღვიეს. ეს არის რუსეთის ფედერაციის კურსკის ოლქის ტერიტორიაზე ოპერაციის დაწყებიდან რუსეთის საზღვრის გარღვევის უკვე მეორე წარმატებული ოპერაცია“,- აღნიშნულია დეპარტამენტის ოფიციალურ ინფორმაციაში, თუმცა არ არის დაკონკრეტებული რუსეთის ფედერაციის საზღვრის რომელ მონაკვეთზეა საუბარი.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი