ყველა ბავშვს აქვს უფლება, არ იყოს სასტიკი მოპყრობის და ძალადობის მსხვერპლი, სახელმწიფოს როლია, დაიცვას ეს გარანტია, - ასე ეხმაურება ევროკავშირის ელჩი კარლ ჰარცელი ნინოწმინდის ბავშვთა სახლში განვითარებულ პროცესებს.

მისი თქმით, სახალხო დამცველს ნინოწმინდის პანსიონში მონიტორინგის შესაძლებლობა უნდა მიეცეს. რადგან ეს მისი ფუნდამენტური უფლებაა.

„რა თქმა უნდა, მნიშვნელოვანია, რომ ამ სამწუხარო ამბავს ყურადღება მიექცეს. ყველა ბავშვს აქვს უფლება, არ იყოს სასტიკი მოპყრობის და ძალადობის მსხვერპლი. სახელმწიფოს როლია, დაიცვას ეს გარანტია. ამას უნდა ელოდებოდეს ყველა ამ საქმესთან დაკავშირებითაც. მინდა ხაზი გავუსვა, რომ მნიშვნელოვანია, ბავშვების კეთილდღეობის საკითხი მუდმივი ყურადღების ქვეშ დარჩეს. დეინსტიტუციონალიზაცია ხანგრძლივი სამიზნე იყო. ჩვენ ვმუშაობდით მთავრობასთან და იუნისეფთან ერთად 2005 წლის შემდეგ. ახლანდელი სიტუაცია გვაძლევს შესაძლებლობას, ვიფიქროთ, არის თუ არა დრო, რომ გადაიდგას დამატებითი ნაბიჯები ამ მიმართულებით. აბსოლუტურად ფუნდამენტურია, რომ სახალხო დამცველს ჰქონდეს საშუალება, განახორციელოს კონსტიტუციური უფლება და მონიტორინგი აწარმოოს“, - განაცხადა კარლ ჰარცელმა.

ავტორი: ექსპრესნიუსი,

სოციალური ქსელები

სპეციალური შეთავაზება SOLO მომხმარებლებისთვის - დაესწარით სპექტაკლ “შერეკილები”-ს პრემიერას რეზო გაბრიაძის თეატრში

ზურაბიშვილი - მოსამართლე თეა ლეონიძემ განაჩენი პირველ რიგში გამოიტანა თავის თავს გამოუტანა, მერე კი რეჟიმს

ხაბეიშვილი - ამ ქვეყანას ეშევლება, მთავარია, ისე არ მოგვივიდეს, რომ სანამ აზრზე მოვლენ, აზრზე მოსვლას აზრი აღარ ჰქონდეს

სააპელაციომ 11 დემონსტრანტი პატიმრობაში დატოვა და არ შეუცვალა 2-წლიანი სასჯელი