2015-01-31 16:39:43, 594 ნახვა
პოლიტიკა
თოფაძის ინფორმაციით, პრეზიდენტის პარლამენტში სტუმრობა მეორე სასესიო კვირას მოხდება
საპარლამენტო უმრავლესობის წევრის გოგი თოფაძის ინფორმაციით, პრეზიდენტი პარლამენტში წლიური მოხსენებით, მეორე სასესიო კვირას გამოვა.
ამის შესახებ თოფაძემ "ქართული ოცნების" პოლიტსაბჭოს სხდომის დასრულების შემდეგ, ჟურნალისტებს განუცხადა.
მისივე თქმით, დღევანდელ სხდომაზე პრეზიდენტის პარლამენტში გამოსვლაზე საუბარი არ ყოფილა.
"ამ საკითხზე საუბარი არ ყოფილა, მაგრამ, ჩემი ინფორმაციით, პრეზიდენტის პარლამენტში სტუმრობა მეორე სასესიო კვირას მოხდება", - აღნიშნა თოფაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
