დაავადებათა კონტროლის ეროვნული ცენტრის ხელმძღვანელი ამირან გამყრელიძე აცხადებს, რომ საქართველოში კორონავირუსის 17-მდე კლასტერული ეპიდაფეთქებაა.

როგორც ამირან გამყრელიძემ აღნიშნა, რადიკალური ზომების მიღებისა და რეკომენდაციების შესრულების გარეშე, შესაძლოა დაიწყოს საყოველთაო გავრცელება.

მანვე დასძინა, რომ 17-ვე კლასერი წვეულებებსა და სუფრებს უკავშირდება და მან კიდევ ერთხელ მოუწოდა საზოგადოებას, თავი შეიკავოს წვეულებებისგან.

„17-მდე კლასტერული ეპიდაფეთქება ქვეყანაში, რომელიც მართვადია, მაგრამ ეს არის პირველი ნიშანი იმისა, რომ თუ არ იქნა მიღებული რადიკალური ზომები და არ მივყევით რკეომენდაციებს, შეიძლება, დაიწყოს საყოველთაო გავრცელება. 17-ვე კლასტერი, რომელიც დღეს ქვეყანაშია დაიწყო წვეულებებიდან და სუფრებიდან, აქედან გამომდინარე, როგორმე თავი უნდა შევიკავოთ, მოვითინოთ და თავი შევიკავოთ წვეულებებისგან. თუ ჩვენ ამას ყველაფერს გავაკეთებთ, იმედი გვაქვს, რომ გარკვეულად შევაკავებთ ეპიდემიის შემდგომ განვითარებას და მაშინ, ამ დონეზე ეპიდსიტუაცია ქვეყანაში სრულად მართვადია. თუ აპრილსა და მაისს, დაახლოებით ამ მასშტაბით ეპიდსიტუაციით გავივლით, ივნისში შევალთ უფრო დამშვიდებული, რომ ეპიდსიტუაცია აღარ გაუარესდება“, - განაცხადა ამირან გამყრელიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს