შრომის, ჯანმრთელობისა და სოციალური დაცვის სამინისტროს ორგანიზებით, ქარელის მუნიციპალიტეტის სოფელ ავლევში უფასო სამედიცინო გასინჯვებისა და C ჰეპატიტის სკრინინგის აქცია გაიმართა.

პროცესის მიმდინარეობას შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი საგანგებო სიტუაციების კოორდინაციისა და გადაუდებელი დახმარების ცენტრის დირექტორ ავთანდილ თალაკვაძესთან ერთად გაეცნო.

აქციის ფარგლებში, მთელი დღის განმავლობაში პროფილაქტიკური შემოწმება ცერონისის, ავლევის, თამარაშენისა და კნოლევის მცხოვრებლებს უტარდებოდათ. ადგილობრივებს სამედიცინო კონსულტაცია „ავერსის კლინიკის“ 10-მდე სხვადასხვა სპეციალიზაციის ექიმმა გაუწია. პაციენტებს დანიშნულების შესაბამისი მედიკამენტები უსასყიდლოდ გადაეცათ. პარალელურ რეჟიმში, C ჰეპატიტზე სკრინინგი მიმდინარეობდა. სწრაფი მარტივი ტესტის გაკეთება ყველა დაინტერესებულ პირს შეეძლო. სკრინინგში 100-მდე ადგილობრივი ჩაერთო.

სამედიცინო პროფილაქტიკური გასინჯვების აქცია პერმანენტულად, ჯანდაცვის სამინისტროს ორგანიზებით იმართება. ”განიკურნე!“  - ამ სახელწოდების კამპანიის ფარგლებში კი, C ჰეპატიტის ვირუსის მატარებელთა გამოსავლენად, საყოველთაო სკრინინგი მიმდინარეობს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს