ევროპარლამენტარი რასა იუკნევიჩიენე ბრიტანეთის მიერ TV იმედისა და პოს TV-ის დასანქცირების შესახებ "ევროსკოპთან" ინტერვიუში აცხადებს, რომ ეს ძალიან დიდი წინგადადგმული ნაბიჯია.

"ეს ძალიან დიდი წინგადადგმული ნაბიჯია. მე ტაშს ვუკრავ და ვულოცავ დიდ ბრიტანეთს ამ გადაწყვეტილების გამო. ჩვენ ევროპის პარლამენტში არაერთხელ მოგვითხოვია ჩვენი ხელისუფლებისთვის, რომ იგივე გაეკეთებინათ, რადგან, ვფიქრობ, უსამართლოა პროპაგანდის არსებობა. ისინი აკეთებენ შავ საქმეს ევროპის კავშირის წინააღმდეგ. ევროკავშირის მიერ გადაწყვეტილებების მიღება უფრო რთულია, ეს უნდა ჰკითხოთ ბატონ ვიქტორ ორბანს, ან მის პარტიას. იცით, რომ ჩვენ გვჭირდება ერთი ნავი სანქციების დასაწესებლად. თუმცა ზოგ ინსტიტუციას შეუძლია უფრო მეტის გაკეთება ასეთი პროპაგანდისტული არხების დასაბლოკად. რა თქმა უნდა, ამ საკითხს ჩვენ გავითვალისწინებთ ანგარიშის მოახლოებული განხილვის დროს. ჩვენ მას მალე წარვადგენთ და შევიტანთ შესწორებას. დიდი ბრიტანეთი ამ მიმართულებით ყინულმჭრელია. [...] იმედგაცრუებული ვარ, რომ ქართველი ხალხის ხმა არ ესმის ე.წ ხელისუფლებას" -  ამბობს რასა იუკნევიჩიენე.

დიდმა ბრიტანეთმა ტელეკომპანიებს - „იმედსა“ და „POSTV“-ს სანქციები დაუწესა, - ამის შესახებ ინფორმაციას დიდი ბრიტანეთის მთავრობა ავრცელებს.

დიდი ბრიტანეთს მთავრობის ცნობით, „იმედსა“ და „POSTV“-ს სანქციები დაუწესდათ, როგორც „რუსული დეზინფორმაციის გავრცელებაში ჩართულ ორგანიზაციებს“.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო