2020-03-14 12:57:35, 6151 ნახვა

---

თენგიზ ცერცვაძე - კორონავირუსით ინფიცირებული 5 ახალი პაციენტი სავარაუდოდ, იტალიასთან არის დაკავშირებული

ინფექციური საავადმყოფოს დირექტორის, თენგიზ ცერცვაძის განცხადებით, ხუთი ახალი პაციენტი, რომელსაც კორონავირუსი დაუდასტურდა, სავარაუდოდ იტალიასთანაა დაკავშირებული.

მისივე თქმით, პაციენტებთან დაკავშირებით, ზუსტი მონაცემები ცოტა ხანში გახდება ცნობილი.

„ერთადერთი ვიცი, რომ იტალიასთან არის დაკავშირებული, მაგრამ როგორ, თავად იყვნენ იტალიაში, თუ იქიდან ჩამოსულმა დაასნებოვნეს, ამას გავიგებ მას შემდეგ, რაც დავუკავშირდები თანამშრომლებს“, - განაცხადა თენგიზ ცერცვაძემ.

ცნობისთვის, ცოტა ხნის წინ, საქართველოში კორონავირუსით ინფიცირების 5 ახალი შემთხვევა დადასტურდა. ინფიცირებულთა საერთო რაოდენობა 30-ს შეადგენს. 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი