NASA-მ დედამიწის მსგავსი პლანეტა „დედამიწა 2.0“ აღმოაჩინა.

ტელესკოპ Kepler-ის მეშვეობით აღმოჩენილი პლანეტის დიამეტრი დედამიწისაზე 60%-ით დიდია.

მეცნიერების განცხადებით, პლანეტა სახელად Kepler-452b ყველაზე მეტად ჰგავს დედამიწას, ვიდრე მისი აქამდე აღმოჩენილი სხვა ანალოგები. პლანეტაზე წელიწადი თითქმის დედამიწის წელიწადს უტოლდება.

Kepler 452b დედამიწიდან 1400 სინათლის წელიწადის მანძილზე მდებარეობს. ვარსკვლავი Kepler 452b დაახლოებთ ექვსი მილიარდი წლისაა, რაც მზის ასაკს მილიარდ-ნახევარი წლით აღემატება.

პროექტ Kepler-ის მონაცემთა ანალიზის ჯგუფის ხელმძღვანელის ჯონ ჯენკინსის განცხადებით, პლანეტის ზომა და მისი დაშორება ვარსკვლავისგან იძლევა ვარაუდის საფუძველს, რომ მასზე პოტენციურად შესაძლოა სიცოცხლე არსებობდეს. მისი თქმით, Kepler 452b დედამიწის „დიდი ბიძაშვილია“.

კოსმოსური ტელესკოპის Kepler-ის მეშვეობით ექსოპლანეტებზე დაკვირვება 2009 წლიდან მიმდინარეობს. მოცემულ მომენტში მეცნიერები დაახლოებით 500 ციურ სხეულს, სავარაუდო პლანეტებს აკვირდებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი