9 აპრილის ბაღში საბჭოთა კავშირის სახალხო არტისტის ოთარ მეღვინეთუხუცესის ძეგლი გაიხსნა.
გამოჩენილი მსახიობის ძეგლის გახსნას თბილისის მერი დავით ნარმანია, საკრებულოს თავმჯდომარე გიორგი ალიბეგაშვილი, კულტურისა და ძეგლთა დაცვის მინისტრი მიხეილ გიორგაძე, მსახიობის ოჯახის წევრები და მეგობრები ესწრებოდნენ.
ოთარ  მეღვინეთუხუცესის ძეგლის ავტორი  ლევან ვარდოსანიძეა.
„ძალიან რთული იყო ამ უდიდესი მსოფლიო არტისტისთვის ძეგლის გახსნა. დიდი მადლობა მერიას, რომ მხარში დაგვიდგა“, –აღნიშნა ვარდოსანიძემ.
მეღვინეთუხუცესის ძეგლის გახსნა სიმბოლურად მის დაბადების დღეს დაემთხვა.
„მნიშვნელოვანი დღეა, ვინაიდან ისეთი ღვაწლმოსილი ადამიანის ძეგლის გახსნის დღე გვაქვს, როგორიც ოთარ მეღვინეთუხუცესი იყო. ძეგლის გახსნა სიმბოლურად მის დაბადების დღეს დავამთხვიეთ. ჩვენ პირობა დავდეთ, რომ ღირსეულ ადგილას ღირსეულ ძეგლს დავუდგამდით. მისი ღვაწლი ძალიან დიდი იყო. რაც არ უნდა გავისარჯოთ, ამაგს, რაც მას ქართულ კინოს განვითარებაში მიუძღვის, ვერასოდეს დავაფასებთ“, – განაცხადა დავით ნარმანიამ.
ოთარ მეღვინეთუხუცესის ღვაწლსა და დამსახურებაზე საქართველოს კულტურისა და ძეგლთა დაცვის მინისტრმა მიხეილ გიორგაძემაც ისაუბრა.
„ძალიან მნიშვნელოვანი დღეა, ვინაიდან ოთარ მეღვინეთუხუცესის ძეგლი გაიხსნა. მისი პროფესიული 60 წლიან მანძილზე მან არაერთი ძალიან მნიშვნელოვანი როლი შექმნა კინოში და თეატრშიც. მაგრამ მიუხედავად უდიდესი საერთაშორისო აღიარებისა, მას თავმდაბლობა ახასიათებდა. ყველაზე მთავარი რაც მას ჰქონდა, გარდა უამრავი ჯილდოსი თუ პრემიისა, იყო ის, რომ მას ხალხის სიყვარული ჰქონდა, დღევანდელი დღეც ამის დასტურია“, – აღნიშნა მიხეილ გიორგაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა განაცხადა, რომ ირანი დათანხმდა აშშ-სთვის გამდიდრებული ურანის გადაცემას

ევროპას დაახლოებით ექვსი კვირის საავიაციო საწვავის მარაგი აქვს დარჩენილი

ლონდონის „არსენალისა“ და ავსტრიის ნაკრების ყოფილი მეკარე ალექს მენინგერი ავტოკატასტროფაში დაიღუპა

ტრამპმა ისრაელსა და ლიბანს შორის საომარი მოქმედებების 10-დღიანი შეჩერების შესახებ განაცხადა