2025-09-12 21:56:51, 2030 ნახვა
სამართალი
„ჰექსოგენის საქმეზე“ ორივე ბრალდებულ უკრაინელს პატიმრობა შეუფარდეს
"ჰექსოგენის" შემოტანის საქმეზე დაკავებულ უკრაინელებს აღკვეთის ღონისძიების სახით პატიმრობა შეეფარდათ | გადაწყვეტილება თბილისის საქალაქო სასამართლოში მოსამართლე ეკა ბარბაქაძემ მიიღო. საქმეზე შემდეგი სხდომა 3 ნოემბერს, 12:00 საათზე გაიმართება
სახელმწიფო უსაფრთხოების სამსახური აცხადებს, რომ „გამოძიების სხვა ვერსიებთან ერთად“ არკვევს, არსებობს თუ არა კავშირი ამ ამბავსა და „4 ოქტომბრის არჩევნებსა და მასთან რადიკალური ჯგუფების მიერ დაანონსებულ გეგმებს შორის“.
დენის შურავლოვი უკრაინის მოქალაქეა. ის ოდესაში ცხოვრობდა. დაიბადა 1979 წლის 23 სექტემბერს. ის ბრალს არ აღიარებს.
მიხაილო სკრუპსკიიც უკრაინის მოქალაქეა. ის ქალაქ ხმელინცკისში ცხოვრობდა. დაიბადა 1975 წლის 20 სექტემბერს.
ადვოკატ დარეჯან ბარბაქაძის ცნობით, სკრუპსკიი ბოლო რვა წელია, გადამზიდავ კომპანიაში მუშაობს და რეგულარულად დადიოდა უკრაინიდან საქართველოში.
ავტორი: ექსპრესნიუსი,
epn.ge (@expressnews.ge)
