ზუგდიდის გამგეობა და ჩეხური ორგანიზაცია თანამშრომლობაზე შეთანხმდნენ

2016-03-04 15:22:52, 1082 ნახვა

რეგიონი

ზუგდიდის მუნიციპალიტეტის გამგეობა და ჩეხური ორგანიზაცია „ადამიანი გაჭირვებაში“ თანამშრომლობაზე შეთანხმდნენ.

ზუგდიდის მუნიციპალიტეტის გამგებლის მოადგილე გიზო სართანია და ორგანიზაციის სათაო ოფისის თანამშრომლები მუნიციპალიტეტებში მრჩეველთა საბჭოების შექმნაზე შეთანხმდენენ.

საბჭოები ძირითადად სოციალურ საკითხებზე იქნება ორიენტირებული და ორი წლის განმავლობაში იფუნქციონირებს. ზუგდიდის მუნიციპალიტეტის გამგებლის მოადგილემ, გიზო სართანიამ აღნიშნული ინიციატივის დასამკვიდრებლად მზაობა გამოთქვა და ორგანიზაციის წარმომადგენლებს თანადგომა აღუთქვა.

როგორც ორგანიზაციის წარმომადგენლებმა აღნიშნეს, ზუგდიდის მუნიციპალიტეტის გამგეობა მათი შესრულებული პროექტებისა და სამოქალაქო სექტორთან ეფექტური თანამშრომლობის გამო შეირჩა. მრჩეველთა საბჭო აპრილის თვეში ჩამოყალიბდება და იგი ამ ეტაპზე მხოლოდ ოთხ მუნიციპალიტეტში იფუნქციონირებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან