დღეს, 13 დეკემბერს 20:00 საათზე სოციალური მუშაკები, მხარდამჭერი პროფესიების წარმომადგენლები და ლექტორები ადამიანის უფლებების დასაცავად მარშს გამართავენ.

როგორც მარშის ორგანიზატორების მიერ გავრცელებულ განცხადებაშია აღნიშნული, ევროკავშირში გაწევრიანების პროცედურების შეწყვეტის შესახებ გადაწყვეტილებას ემიჯნებიან.

„ჩვენ ვგმობთ და ვემიჯნებით გადაწყვეტილებას ევროკავშირში გაწევრიანების პროცედურების შეწყვეტის შესახებ. ჩვენი პროფესიული და მოქალაქეობრივი პასუხისმგებლობა გვავალდებულებს, ყოველდღიურ საქმიანობაში, როგორც სამუშაო სივრცეში, ასევე მის გარეთ, ვიბრძოლოთ საქართველოს ევროპული მომავლის შესანარჩუნებლად.

ვისთვისაც ქვეყანაში მიმდინარე პროცესები შემაშფოთებელია, ვისაც ესმის რამხელა წვლილი მიუძღვის ევროკავშირს ქვეყანაში სოციალური, საგანმანათლებლო, ინფრასტრუტურული და  და სხვა პროგრამების განხორციელებაში, ყველა, ვინც არ ურიგდება ძალადობას და იბრძვის თავისუფალი, თანასწორი გარემოსთვის, შემოგვიერთდით მარშში!“ - აღნიშნულია განცხადებაში.

ავტორი: ექსპრესნიუსი,

სოციალური ქსელები

კალაძე: რატომ გინდათ ყველაფერში ცუდი ეძიოთ? აბასთუმანში თვითმფრინავების გამონაბოლქვი პრობლემას ქმნიდა

სელფი მობაილის ქსელის განახლება: მომხმარებლის კმაყოფილების ზრდა

BOG ქმნის განათლების შესაძლებლობებს AI-ით და ტექნოლოგიებით დაინტერესებული გოგოებისთვის

იმოგზაურე გიორგი მოსიძესთან ერთად აზროვნების სამყაროში - ზუგდიდში შეხვედრა გაიმართება (რ)