2016-02-17 00:00:16, 1242 ნახვა
მსოფლიო
უკრაინის გენერალურმა პროკურორმა თანამდებობა დატოვა
უკრაინის გენერალურმა პროკურორმა, ვიქტორ შოკინმა თანამდებობა დატოვა. ამის შესახებ ინფორმაციას უკრაინული მედია გენერალურ პროკურატურაზე დაყრდნობით ავრცელებს.
ცნობისთვის, უკრაინის პრეზიდენტმა პეტრო პოროშენკომ პრემიერმინისტრ არსენი იაცენიუკსა და გენერალურ პროკურორს ვიქტორ შოკინს გადადგომისკენ მოუწოდა.
პოროშენკომ აღნიშნა გენერალური პროკურორი შოკინის მნიშვნელოვანი მიღწევები, თუმცა იქვე დაამატა, რომ უკრაინის გენერალურმა პროკურატურამ ვერ მოიპოვა ხალხის ნდობა და სწორედ ამ მიზეზით დადგა გენერალური პროკურორის გადადგომის საკითხი.
სწორედ უკრაინის პრეზიდენტის მოწოდება გახდა გენერალური პროკურორის გადადგომის მიზეზი.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
