2022-04-01 20:53:19, 1163 ნახვა
სამხედრო
ზაპოროჟიეს რეგიონში ტყვეთა გაცვლა მოხდა - 86 უკრაინელი სამხედრო გაათავისუფლეს
დღეს, ზაპოროჟიეს რაიონში პატიმართა გაცვლა მოხდა. გაათავისუფლეს 86 უკრაინელი გმირი, რომლებიც დამპყრობლებმა დაიჭირეს.
ამის შესახებ პრეზიდენტის აპარატის უფროსის მოადგილემ კირილო ტიმოშენკომ განაცხადა.
როგორც ტიმოშენკომ განაცხადა, დამპყრობლების ტყვეობიდან 86 უკრაინელი სამხედრო გაათავისუფლეს. მათ შორის - 15 ქალი. მან ასევე აღნიშნა, რომ გათავისუფლებული ჯარისკაცები უკვე უსაფრთხო ადგილას იმყოფებიან და ახლა მათ სიცოცხლეს არაფერი ემუქრება.
ტიმოშენკოს გაცვლის დეტალები ჯერ არ გაუმხელია. რამდენი ტყვე რუსი გაცვალა უკრაინამ თავის სამხედროებზე, არ არის ცნობილი.
ავტორი: ექსპრესნიუსი,
epn.ge (@expressnews.ge)
