ავღანეთის დედაქალაქ ქაბულში „მტკიცე-მხარდაჭერის“ მისიის შტაბ-ბინაში ტაქტიკური სწავლება გაიმართა.

თავდაცვის სამინისტროს ინფორმაციით, ბაზის მთავარ გამშვებ პუნქტთან ჩატარებულ წვრთნაში საქართველოს შეიარაღებული ძალების III ქვეითი ბრიგადის 31-ე ბატალიონის ნაკრები ასეულის პირადი შემადგენლობა მონაწილეობდა.

სწავლება რამდენიმე კომპონენტისგან შედგებოდა. ქართველმა სამხედროებმა დაშავებულის ევაკუაციის, სწრაფი რეაგირების და ბაზის შიდა უსაფრთხოების ამოცანების შესრულებაში გაიარეს მომზადება.

31-ე ბატალიონის ნაკრები ასეულის სამხედროებს ტაქტიკური სწავლებები ყოველკვირეულად უტარდებათ. „მტკიცე მხარდაჭერის“ მისიის შტაბ-ბინის ხელმძღვანელობისა და ასეულის მეთაურის შეფასებით, პირადი შემადგენლობა საბრძოლო მზადყოფნის მაღალ ხარისხს ინარჩუნებს.

საქართველოს შეიარაღებული ძალების III ქვეითი ბრიგადის 31-ე ბატალიონის ნაკრები ასეულის მთავარი ამოცანა ავღანეთის დედაქალაქ ქაბულში მდებარე „მტკიცე მხარდაჭერის“ მისიის შტაბ-ბინის უსაფრთხოების უზრუნველყოფაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება