2015-07-13 09:59:53, 1238 ნახვა
მსოფლიო
ევროზონის ლიდერები საბერძნეთის კრიზისის დაძლევის გეგმაზე მუშაობენ
ევროზონის ლიდერები ბრუსელში საბერძნეთის კრიზისის დაძლევის გეგმაზე მუშაობენ.
BBC-ს ინფორმაციით, საგანგებო სამიტის შედეგად შეთანხმების მონახაზი უკვე არსებობს, მაგრამ დეტალები ჯერაც უცნობია.
იმ შემთხვევაში, თუ ევროზონის ლიდერები საბერძნეთს დახმარებას არ აღმოუჩენენ, ქვეყანაში საბანკო სისტემა ჩამოიშლება და მისი ევროზონაში დარჩენაც შეუძლებელი გახდება.
სანამ დახმარების ახალ გეგმაზე დეტალური მოლაპარაკებები დაიწყება, საბერძნეთმა ოთხშაბათამდე რეფორმების გარკვეული სერია უნდა გაატაროს, მაგრამ ზუსტად რისი გაკეთება მოუწევს საბერძნეთის მთავრობას, ჯერჯერობით უცნობია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
