2015-01-23 16:46:30, 712 ნახვა
საზოგადოება
მარგველაშვილი: ისინი, ვინც ეს სამშობლოს გაუბედა, საბრალდებო სკამზე იქნებიან დაჭედებული
„ვინც ეს სამშობლოს გაუბედა, დაჭედებული იქნებიან საბრალდებო სკამზე“, - ამის შესახებ საქართველოს პრეზიდენტმა გიორგი მარგველაშვილმა პრესკლუბ „ჯაზუში“, იური ვაზაგაშვილის სამოქალაქო პანაშვიდზე ჟურნალისტებს განუცხადა.
პრეზიდენტმა ვაზაგაშვილის ოჯახს და მის თანამებრძოლებს კიდევ ერთხელ მიუსამძიმრა.
„ძალიან მძიმე დღეა ბუნებრივია ყველასთვის და მე ყველას ვუსამძიმრებ ამ დღეს, ვინც იყო თანამებრძოლი ბატონი იურის და მათაც, ვინც არ იცნობდა მას. ეს არის ძალიან მძიმე დღე მთელი სახელმწიფოსთვის და ის ხალხი ვინც ეს გაუბედა ჩვენს სამშობლოს, სახელმწიფოს, იქნებიან დაჭედებული საბრალდებო სკამზე და პასუხს აგებენ, როგორც ამ ოჯახის მიმართ, ასევე იმისთვისაც, რაც მათ საქართველოს გაუბედეს“, - განაცხადა გიორგი მარგველაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
