ლაშა მახარაძის დედა: ოქროპირიძის გათავისუფლებას ახალი მკვლელობები მოჰყვებოდა

2015-06-09 15:15:11, 1155 ნახვა

კომენტარი

ლაშა მახარაძის დედა ნინო დიდებულიძე გიორგი ოქროპირიძის მიმართ მოსამართლის გადაწყვეტილებას მიესალმება. როგორც მან ოქროპირიძისთვის აღკვეთის ღონისძიებად წინასწარი პატიმრობის შეფარდების შემდეგ ჟურნალისტებს განუცხადა, იმ შეთხვევაში, თუკი სასამართლო მას გაათავისუფლებდა, ოქროპირიძე ახალ დანაშაულს ჩაიდენდა.
"უნდა დარჩენილიყო ზუსტად პატიმრობაში, მაგისი გამოსვლა 9 თვის ვადაში იქნებოდა ძალიან დიდი შეცდომა, ახალ ახალი მკვლელობები და სხვა უბედურებები და წავიდოდა ყველაფერი უკან",-განაცხად ნინო დიდებულიძემ.
ბრალდებულის დედა კი მიიჩნევს, რომ სასამართლოზე ზეწოლა ხორციელდება.
"სახელწმიფო ძალადობს სასამართლოზე და მოსამართლეზე. აღარ არსებობს სასამართლო",-აღნიშნა ოქროპირიძის დედამ.
ცნობისთვის, თბილისის საქალაქო სასამართლომ გიორგი ოქროპირიძეს აღკვეთის ღონისძიების სახით პატიმრობა დღეს შეუფარდა.
მოსამართლემ პროკურატურის შუამდგომლობა დააკმაყოფილა და ბრალდებულის მიმართ აღკვეთ ღონისძიებად პატიმრობა პირადი მოტივით ცრუ დასმენის საქმეზე გამოიყენა.
ლაშა მახარაძის მკვლელობის ფაქტზე ბრალდებულ გიორგი ოქროპირიძეს ახალი ბრალი, გუშინ წარუდგინეს.