საქართველოს ყოფილი პრემიერ-მინისტრი ბიძინა ივანიშვილი რუსეთთან ურთიერთობების გაღრმავების აუცილებლობაზე საუბრობს.

როგორც ივანიშვილმა GDS-ის ახალ სატელევიზო გადაცემაში სტუმრობისას განაცხადა, საქართველოს ყველა მეზობელთან კეთილმეზობლური ურთიერთობა უნდა ჰქონდეს.

ამასთან, ივანიშვილის თქმით, დღეს ქვეყანას  ხალხზე მზრუნველი ხელისუფლება ჰყავს:

"ჩვენ აუცილებლად უნდა დავალაგოთ რუსეთთან ურთიერთობები და ყველა მეზობელთან კარგი ურთიერთობა უნდა გვქონდეს. ევროკავშირის ელჩი შემხვდა ბოლოს და საუბარი დაიწყო, გილოცავთ, როგორ მოახერხეთ, ასეთი სტაბილური ქვეყანა, ევროპელებსაც კი შურთ თქვენიო. 4 წელიწადში მართლაც რა საოცრება მოახერხა ქვეყანამ იმიტომ, რომ ხალხზე მზრუნავი ხელისუფლებაა დღეს, ასეთი პრემიერია კვირიკაშვილი. ასეთი გუნდია "ქართული ოცნება" და კიდევ ერთხელ მოგიწოდებთ, სწორი არჩევანი გააკეთეთ. თავისით არაფერი მომხდარა. თავისით ის ომიც არ მომხდარა და ამაში წვლილი საკუთრივ ხელისუფლებას აქვს.რუსეთს თავისი წვლილი და დნაშაული აქვს, მაგრამ ჩვენ უნდა მივხედოთ საკუთარ თავს.  ჩვენს ყველაზე დიდ მეზობელთან ურთიერთობები უნდა გავაღრმაოთ და პირველ რიგში- ეკონომიკური და კულტურული ურთიერთობები",-აღნიშნა ბიძინა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი