„ძალიან ვწუხვარ მაგრამ, ჩვენს პოლიტიკურ ოპოზიციას რატომღაც ჰგონია, რომ პოლიტიკური შოუს მოწყობა წაადგება ან ლარს ან ეკონომიკას“, - ამის შესახებ ფინანსთა მინისტრმა ნოდარ ხადურმა ჟურნალისტებს განუცხადა.

მინისტრის თქმით, უმჯობესი იქნებოდა ვითარება სამუშაო რეჟიმში ყოფილიყო.

„ძალიან ვწუხვარ მაგრამ, ჩვენს პოლიტიკურ ოპოზიციას რატომღაც ჰგონია, რომ პოლიტიკური შოუს მოწყობა წარადგება ან ლარს ან ეკონომიკას. მინდა გითხრათ, რომ თუ ჩვენ გამოვალთ და პოლიტიკური შოუს მონაწილეები გავხდებით, არც გაცვლითი კურსი დასტაბილურდება ამით და არც ეკონომიკაში მოხდება ბუმი. პირიქით, ეს პროცესები ხელს შეუშლის არსებული ვითარების განვითარებას. ცხადია სჯობს, რომ სამუშაო ვითარებაში ყოფილიყო ვითარება. ასევე მინდა გითხრათ, რომ კომიტეტები აპირებენ სამუშაო რეჟიმში ვიმუშაოთ, რადგან ჩვენ არასდროს არავისთვის პრობლენმა არ შეგვიქმნია. ჩვენ ვხვდებით პარლამენტის წევრებს და მათ მივაწოდეთ ინფორმაცია ერთ მხარესაც და მეორესაც. ჩვენთვის მთავარია შედეგი და ეს შედეგი პოლიტიკური კინკლაობით არ მიიღწევა. რაც შეეხება რიგგარეშე სხდომას, მე არ მითქვამს რომ არ მივალ სხდომაზე, მე ვთქვი, რომ ჩვენ პარლამენტთან ურთიერთობის პრობლემა არ გვაქვს, მაგრამ პოლიტიკურ თოქ შოუებში მონაწილეობა პარლამენტის და მინისტრების მონაწილეობით არასწორია“, - განაცხადა ხადურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული