ბათუმში  საერთაშორისო კონფერენცია „აღმოსავლეთ პარტნიორობის ქვეყნებში უფრო ეფექტიანი ადგილობრივი მმართველობა: ახალი გზები და საშუალებები -  გამოცდილების გაზიარება“ მიმდინარეობს.

რეგიონული განვითარებისა და ინფრასტრუქტურის სამინისტროს ინფორმაციით,  ღონისძიება ევროსაბჭოსა და ევროკავშირის აღმოსავლეთ პარტნიორობის პროგრამული თანამშრომლობის -„ადგილობრივი თვითმმართველობის ინსტიტუციური ბაზის გაძლიერება“ - ფარგლებში, ევროსაბჭოსა და საქართველოს რეგიონული განვითარებისა და ინფრასტრუქტურის სამინისტროს თანაორგანიზებით   ტარდება. 

უწყების ინფორმაციით, კონფერენცია მიზნად ისახავს ადგილობრივი თვითმმართველობის სფეროში მიღწეული პროგრესის შესახებ ინფორმაციის მიწოდებას დაინტერესებული მხარეებისათვის, მუნიციპალიტეტებს შორის დაგროვილი გამოცდილების გაზიარებას და თანამშრომლობის ახალი შესაძლებლობების განხილვას.  

კონფერენციაზე მუნიციპალიტეტები ადგილობრივი თვითმმართველობის ფინანსური დამოუკიდებლობის  მიმართულებებსაც განხილავენ. 

კონფერენცია  საქართველოს რეგიონული განვითარებისა და ინფრასტრუქტურის  მინისტრის მოადგილემ თენგიზ შერგელაშვილმა გახსნა. 

ღონისძიებას ესწრებიან  ადგილობრივი თვითმმართველობების ხელმძღვანელი პირები, საერთაშორისო და არასამთავრობო ორგანიზაციების წარმომადგენლები.

აღმოსავლეთ პარტნიორობის ქვეყნების შესაბამისი უწყებების ხელმძღვანელი პირები და  ექსპერტები. კონფერენცია 2 დღიანია და 8 ივლისს დაიხურება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი