Adjara Group  Hospitality-მ, ევროპის რეკონსტრუქციისა და  განვითარების ბანკმა და საქართველოს ბანკმა ხელი მოაწერეს 24 მლნ აშშ დოლარის  ოდენობის სესხის ხელშეკრულებას საქართველოში  5 ვარსკვლავიანი  უმაღლესი კლასის  სასტუმრო interContinetali-ის პროექტის დაფინანსების მიზნით, რომელიც წარმოადგენს InterContinental  Hotels Group (IHG)-ის წამყვან  ბრენდს. ეს არის პირველი Manchise (ფრენჩაიზისა და  მენეჯმენტის ნაზავი) პროექტი, რომელსაც Adjara Group  Hospitality-იმ 2014 წლის მარტში  IHG-სთან დადებული ხელშეკრულების ხელმოწერისას  ჩაუყარა საფუძველი. პროექტი IHG-ის მხრიდან 3 წლიან მენეჯმენტს ითვალისწინებს, რასაც მოყვება ფრენჩაიზის შეთანხმება და მენეჯმენტის უფლება სრულად გადაეცემა Adjara Group  Hospitality-ის.
 სასტუმრო InterContinental Tbilisi განთავსდება თბილისის ცენტრში, მერაბ კოსტავას ქუჩის #14-ში, ყოფილი გამომცემლობის შენობაში, საერთო ფართით 27, 000 კვ.მ. და 259 სასტუმრო  ოთახით. სასტუმროში  ასევე განთავსდება: აპარტამენტები, მათ შორის  საპრეზიდენტო, დახურული და ღია აუზები, საერთაშორისო  ბრენდის  სპა, რესტორანი, ქლაბ ლაუნჯი, საბანკეტო სივრცე, საგამოფენო სივრცე და ოთხი საკონფერენციო დარბაზი. ინტერიერის დიზაინის შემუშავებაზე მუშაობს კომპანია Jestico+Whiles.
Adjara Group  Hospitality-ი საქართველოში ყველაზე დიდი, სწრაფად მზარდი კომპანიაა ტურიზმისა და სასტურმოების მენეჯმენტის სფეროში, რომელიც აერთიანებს სასტუმროებს: Holiday Inn Tbilisi, Rooms Tbilisi და Rooms Kazbegi, ასევე სამომავლო პროექტს Crowne Plaza ბათუმში.
საქართველოს ბანკმა, საქართველოს წამყვანმა ბანკმა,  ქვეყანაში პირველმა დაიწყო სასტუმროების  სექტორის დაფინანსება. 2014 წლის 31 დეკემბრის  მდგომარეობისთ, სასტუმროების სექტორზე გაცემული დაფინანსების პორტფელმა 132.1 მლნ ლარი შეადგინა.
ხსენებული პროექტის საერთო ღირებულება კი,  53 მილიონ აშშ დოლარს შეადგენს და მას Adjara Group  Hospitality-სთან ერთად, EBRD და საქართველოს ბანკი დააფინანსებენ. მიმდინარე ეტაპზე  მშენებლობაზე დასაქმებულია 150 ადამიანი, ხოლო პროექტის დასრულებისას სასტუმროში დასაქმდება 350-მდე თანამშრომელი. სასტუმრო InterContinental Tbilisi-ის  გახსნა 2016 წლის დასაწყისში იგეგმება.
პრესკონფერენციას უძღვებოდნენ: Adjara Group  Hospitality-ის აღმასრულებელი დირექტორი ვალერი ჩეხერია, EBRD-ის დირექტორი  კავკასიაში, მოლდავეთსა და  ბელარუსიაში ბრუნო ბალვანერა, საქართველოს ბანკის გენერალური დირექტორის მოადგილე  კორპორატიული საბანკო საქმიანობის დარგში სულხან გვალია, InterContinental  Hotels Group--ის წარმომადგენელი- ასოცირებული ვიცე-პრეზიდენტი  განვითარების მიმართულებით რუსეთში, დსთ-სა და ჩრდილოეთ ევროპაში არონ ლიბინსონი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი