საქართველოს თავდაცვის მინისტრმა ეროვნულ სასწავლო ცენტრ „კრწანისში“ გერმანელ ჟურნალისტებს უმასპინძლა.

თავდაცვის სამინისტროს ინფორმაციით, თინათინ ხიდაშელმა და მისმა მოადგილემ ბესიკ ლოლაძემ სტუმრებს სიტყვით მიმართეს და საქართველოთი დაინტერესებისთვის მადლობა გადაუხადეს.

ეროვნული სასწავლო ცენტრ „კრწანისისა“ და ნატო-საქართველოს წვრთნისა და შეფასების ერთობლივი ცენტრის (JTEC ) მეთაურმა, პოლკოვნიკმა გრიგოლ ჭელიძემ ჟურნალისტებს JTEC-ის დაფუძნების, ცენტრის მიზნებისა და ამოცანის შესახებ პრეზენტაცია წარუდგინა.

მოგვიანებით, შეხვედრა კითხვა-პასუხის რეჟიმში გაგრძელდა. თავდაცვის მინისტრმა და უწყების სხვა წარმომადგენლებმა ჟურნალისტების კითხვებს უპასუხეს. გერმანელი სტუმრები საქართველოს შეიარაღებულ ძალებში მიმდინარე რეფორმებით, ქვეყანასა და რეგიონში არსებული უსაფრთხოების, რუსეთ-საქართველოს ურთიერთობისა და ქართველი სამხედრო მოსამსახურეების საერთაშორისო მისიებში მონაწილეობის საკითხებით დაინტერესდნენ.

გერმანელ ჟურნალისტთა ჯგუფი საქართველოს საინფორმაციო ტურის ფარგლებში სტუმრობს. ვიზიტი ბერლინის პრესკლუბის, გერმანიის ფედერაციულ რესპუბლიკაში საქართველოს საელჩოს, საქართველოს საგარეო საქმეთა სამინისტროს ორგანიზებითა და საქართველოში გერმანიის ფედერაციული რესპუბლიკის საელჩოს თანამონაწილეობით ხორციელდება.

ხუთდღიანი პრესტურის განმავლობაში სტუმრები საქართველოს აღმასრულებელი და საკანონმდებლო ხელისუფლების, ასევე, არასამთავრობო სექტორის წარმომადგენლებს და ქართველ კოლეგებს შეხვდებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი