საქართველოს თავდაცვის მინისტრი და გენერალური შტაბის ხელმძღვანელობა შეიარაღებული ძალების ბატალიონების მეთაურებს შეხვდნენ. თინათინ ხიდაშელი და მისი მოადგილე ბესიკ ლოლაძე ოფიცრებს სამინისტროს მიერ ინიცირებულ საპენსიო კანონპროექტზე, რეზერვის კონცეფციასა და სავალდებულო სამხედრო სამსახურში გაწვევის საკითხებზე ესაუბრნენ. თავდაცვის მინისტრმა ბატალიონების მეთაურებს ჯარში დაგეგმილი რეფორმების შესახებაც მიაწოდა ინფორმაცია და აღნიშნა, რომ სამინისტროს პრიორიტეტია, იყოს ნაკლები ბიუროკრატია და მეტი პირადი შემადგენლობა.

მოგვიანებით თინათინ ხიდაშელმა ოფიცრების შეკითხვებს დეტალურად უპასუხა და განხილულ აქტუალურ თემებზე ჩამოყალიბებული პოზიციების წარმოდგენა მათ ერთი კვირის ვადაში სთხოვა.

„ბატალიონის მეთაურებთან წინა შეხვედრებზე შევთანხმდით, რომ ორ თვეში ერთხელ გვექნებოდა შეხვედრები, რომლებზეც რეფორმებზე და რიგით პრობლემებზე ვისაუბრებდით. დღევანდელ შეხვედრაზე ვისაუბრეთ რეზერვის კონცეფციაზე, გაწვევასთან დაკავშირებულ თემებზე, გვარდიაში მიმდინარე ინსტიტუციურ რეფორმაზე. ასევე განვიხილეთ კონკრეტული ბატალიონებისთვის მნიშვნელოვანი სხვადასხვა საკითხები. ვფიქრობ, ძალიან პროდუქტიული, საინტერესო და მნიშვნელოვანია, რომ ჩვენ ყველა საკითხზე სამხედროებთან შეჯერებული აზრი გვქონდეს არა მხოლოდ გენშტაბის დონეზე, არამედ, ადგილებზეც. ამგვარი შეხვედრები, რომელშიც გენერალური შტაბი, სამოქალაქო ოფისი და ბატალიონის მეთაურები მონაწილეობენ, ყოველთვის საინტერესო, ინტერაქტიული და პროდუქტიულია“,- განაცხადა თავდაცვის მინისტრმა.

თავდაცვის სამინისტროს შემეცნებით-საგანმანათლებლო ცენტრში გამართულ შეხვედრას გენერალური შტაბის უფროსი, გენერალ-მაიორი ვახტანგ კაპანაძე, გენერალური შტაბის უფროსი მოადგილე, პოლკოვნიკი ნიკოლოზ აგლაძე, თავდაცვის მინისტრის პირველი მოადგილე დავით ებრალიძე და გენერალური შტაბის სხვა წარმომადგენლები დაესწრნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი