რელიგიური თურქული სახელმწიფო ფონდი, სახელწოდებით „თურქეთის კეთილდღეობის საზოგადოება“ (TDV), რომელიც მილიარდობით დოლარის აქტივებს ფლობს, ღაზას სექტორში ჰამასის დაფინანსების საშუალებას წარმოადგენს ჰუმანიტარული საქმიანობის საფარქვეშ. ეს გამოვლინდა სტოკჰოლმში დაფუძნებული Nordic Research and Monitoring Network-ის საინფორმაციო რესურსის, Nordic Monitor-ის ვებსაიტზე ჩატარებული გამოძიებით.

მიუხედავად იმისა, რომ ფონდი კერძო ორგანიზაციად არის წარმოდგენილი, ვებსაიტის ცნობით, „მას სინამდვილეში ერდოღანის ადმინისტრაციის მაღალი თანამდებობის პირები მართავენ“ და 7 ოქტომბრიდან ღაზას სექტორს დაახლოებით 46,3 მილიონი დოლარის დახმარება გადაურიცხა.

ფონდის საქმიანობა ფოკუსირებულია ჰამასის პოზიციების გაძლიერებაზე სამშენებლო და რეაბილიტაციის პროექტების მეშვეობით, მათ შორის ცხრა მეჩეთის მშენებლობის გზით, რომელიც მთლიანად თურქეთის მიერ არის დაფინანსებული და „ჯიჰადისტური იდეოლოგიის გავრცელების პლატფორმას წარმოადგენს“.

„ამის თვალსაჩინო მაგალითია ღაზაში მეჩეთის გახსნა, რომელსაც ალ-ქაიდას ერთ-ერთი დამფუძნებლის, აბდულა აზამის სახელი ეწოდა, რაც თურქეთის დაფინანსებასა და ტერორისტული ფიგურების განდიდებას, ასევე ექსტრემისტული მასალების გავრცელებას შორის მჭიდრო კავშირზე მეტყველებს“, - წერს საიტი.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი