2015-06-16 12:40:05, 692 ნახვა

---

მაისში ქვეყანაში შემოსული ფულადი გზავნილების ნაკადების მოცულობამ 97.7 მილიონი დოლარი შეადგინა

საქართველოს ეროვნული ბანკის ინფორმაციით, 2015 წლის მაისში ქვეყანაში შემოსული ფულადი გზავნილების ნაკადების მოცულობამ 97.7 მილიონი აშშ დოლარი, ანუ 227.0 მილიონი ლარი შეადგინა, რაც წინა წლის მაისის ანალოგიურ მაჩვენებელზე 28.7 მილიონი აშშ დოლარით (66.7 მილიონი ლარით), ანუ 22.7%-ით ნაკლებია.

„უცხოეთიდან საქართველოში ფულადი გზავნილების 92.0 პროცენტი იმ 12 უმსხვილეს დონორ ქვეყანაზე მოდის, საიდანაც ასეთი გზავნილების მოცულობამ მაისში 1 მილიონი აშშ დოლარს გადააჭარბა. იმავე 12 ქვეყანაზე გასული წლის მაისში მთელი ფულადი გზავნილების 93.6 პროცენტი მოდიოდა“,- ნათქვამია ეროვნული ბანკის განცხადებაში.

რაც შეეხება საქართველოდან საზღვარგარეთ გაგზავნილ თანხებს, ეროვნული ბანკის ინფორმაციით, 2015 წლის მაისში საქართველოდან საზღვარგარეთ 13.3 მილიონი აშშ დოლარი (30.9 მილიონი ლარი) გადაიგზავნა, ნაცვლად 14.5 მილიონი აშშ დოლარისა (25.5 მილიონი ლარისა) გასული წლის მაისში.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი