„საქართველოს ხელისუფლებამ დღეს ჩამოათრია ქიბარ ხალვაში და მის სასარგებლოდ გადაწყვეტილებას ელოდება. ივანიშვილის მონავ, ყველა დროის იუდავ“, - ასე მიმართა „რუსთავი 2“-ის გენერალურმა დირექტორმა ნიკა გვარამიამ ბიზნესმენ ქიბარ ხალვაშს.

როგორც გვარამიამ სასამართლოსთან მიმდინარე აქციაზე სიტყვით გამოსვლისას განაცხადა, „არასოდეს ყოფილა მედია ისეთი პოლარიზებული, როგორიც დღეს, ივანიშვილის ხელისუფლების დროს არის“.

„დღეს ამ ისტორიულ შენობაში წყდება საქართთველოს ბედი, არც მეტი არც ნაკლები. ყველა კარი, რომელიც გაღებულია, შეიძლება ყრუდ დაიხშოს ისევ. უზენაესი სასამართლოს მოსამართლეები მიღებული გადაწყვეტილებით ხელს მოაწერენ კანონიერებას, სიტყვის თავისუფლებას, ამ ქვეყნის ევროატლანტიკურ მომავალს ან უკანონ გადაწყვეტილებას. ამ გადაწყვეტილებამ შესაძლოა შეუქცევადი ზიანი მიაყენოს ქვეყნის დემოკრატიას. ესენი არიან ბიძინა ივანიშვილები, მოთხრილი ხეებივით მიდიან, მაგრამ საქართველოს ვერ მოთხრის და ვერსად ვერ გადარგავს. დღეს თუ მიიღებენ უარყოფით გადაწყვეტილებას, ისინი ამით საკუთარ თავს განაჩენს გამოუტანენ. „რუსთავი 2“ არ არის უბრალო ტელევიზია, ასეთი ისტორიული მისია აქვს მას, ასეთი როლი აქვს მას და ეს როლი მას ბიძინა ივანიშვილმა არგუნა. მაპატიეთ კოლეგებო, მაგრამ თქვენ, ვინც ივანიშვილის მედიებში მუშაობთ, თუ გაგეპარებათ კრიტიკული აზრი, მალე თქვენ აღარ იმუშავებთ. ჩვენ ვითხოვთ კანონიერ გადაწყვეტილებას. ამას ჩვენს მიმართ სამართლიანობა მოითხოვს. ჩვენ არ დავთმობთ!“, - განაცხადა ნიკა გვარამიამ.

ცნობისთვის, საქართველოს უზენაეს სასამართლოსთან ტელეკომპანია  „რუსთავი 2“-ის მხარდამჭერი აქცია მიმდინარეობს. აქციაზე სხვადასხვა პოლიტიკური პარტიებისა და არასამთავრობო ორგანიზაციების წარმომადგენლები, ასევე რიგითი მოქალაქეები არიან შეკრებილი. ისინი ტელეკომპანიის საქმეზე უზენაეს სასამართლოს საბოლოო გადაწყვეტილებას ელოდებიან

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო