2014 წლის IV კვარტალში მთლიანი შიდა პროდუქტის მაჩვენებელმა მიმდინარე ფასებში 8 176,8 მლნ. ლარი შეადგინა. სტატისტიკის ეროვნული სამსახურის ინფორმაციით, წინა წლის შესაბამისი კვარტალის მიმართ მთლიანი შიდა პროდუქტის რეალური ზრდა 1,8 პროცენტის დონეზე დაფიქსირდა, ხოლო დეფლატორი გაიზარდა 4,4 პროცენტით.
მთლიანი შიდა პროდუქტის დარგობრივ სტრუქტურაში ყველაზე დიდი წილით გამოირჩევა ვაჭრობა (17,8 პროცენტი) და მრეწველობა (16,6 პროცენტი). შემდგომ პოზიციებს იკავებს სახელმწიფო მმართველობა (11,7 პროცენტი), ტრანსპორტი და კავშირგაბმულობა (9,5 პროცენტი), სოფლის მეურნეობა, მეთევზეობა (8,2 პროცენტი), მშენებლობა (8,0 პროცენტი).
ზრდა აღინიშნებოდა შემდეგ დარგებში: ოპერაციები უძრავი ქონებით, იჯარა და მომხმარებლისათვის მომსახურების გაწევა (13,7 პროცენტი), სამთომოპოვებითი მრეწველობა (11,4პროცენტი), კავშირგაბმულობა (10,0 პროცენტი), საფინანსო საქმიანობა (8,7 პროცენტი), სასტუმროები და რესტორნები (6,5 პროცენტი), განათლება (3,9 პროცენტი), მშენებლობა (3,1 პროცენტი).
კლება დაფიქსირდა დამამუშავებელ მრეწველობაში (-6,9 პროცენტი), ელექტროენერგიის, აირისა და წყლის წარმოებასა და განაწილებაში (-6,0 პროცენტი) და კომუნალური, სოციალური და პერსონალური მომსახურების გაწევაში (-3,7 პროცენტი).
დაზუსტებული მონაცემები 2015 წლის 16 ნოემბერს გამოქვეყნდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო