„ხელშეკრულების გაფორმებით სამხრეთ ოსეთთან რუსეთის  გრძელვადიანი ურთიერთობებია განსაზღვრული“,-ამის შესახენ რუსეთის ფედერაციის პრეზიდენტმა ვლადიმერ პუტინმა ოკუპირებულ სამხრეთ ოსეთთან ე.წ. მოკავშირეობის ხელშეკრულების გაფორმებასთან დაკავშირებით  განაცხადა.
მისივე თქმით, ხელშეკრულებით დაფიქსირებულია სახელმწიფოთა შორის ორმხრივი  დიალოგის მაღალი დონე.
„დღევანდელი მოლაპარაკებების  შედეგი მოკავშირეობისა და  ინტეგრაციის ხელშეკრულების  გაფორმებაა.  არ იქნება გადაჭარბებული თუ ვიტყვი, რომ  დაფიქსირებულია სახელმწიფოთა შორისი  ორმხრივი დიალოგის მაღალი  დონე, განსაზღვრულია  ჩვენი ურთიერთობების გრძელვადიანი  მიმართულებები, გათვალისწინებულია ასევე რუსეთის მოქალაქეობის მიღების პროცედურის გამარტივება,  ჩვენს ქვეყნებს შორის შეიქმნება უსაფრთხოებისა და თავდაცვის  საერთო სივრცე,  უზრუნველყოფილი იქნება საბაჟო ორგანოების  ინტეგრაცია და სახელმწიფო საზღვრის თავისუფლად გადაკვეთის რეჟიმი ჩვენი მოქალაქეებისთვის“,-განაცხადა კრემლის ლიდერმა.
ცნობისთვის,  დღეს „მოკავშირეობისა და ინტეგრაციის შესახებ ე.წ. ხელშეკრულება“   რუსეთის ფედერაციამ ოკუპირებულ სამხრეთ ოსეთთან გააფორმა, რომელსაც ხელი სამხრეთ ოსეთის დე ფაქტო პრეზიდენტმა ლეონიდ თიბილოვმა და რუსეთის პირველმა პირმა ვლადიმერ პუტინმა მოაწერა. 
შეგახსენებთ, ცხინვალის რეგიონთან გაფორმებული ხელშეკრულება არის ჩარჩო ხელშეკრულება, ის 25 წლით გაფორმდა და ითვალისწინებს 
ყოველ ათ წელიწადში თვითონ გახანგრძლივებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს