„ჩვენ მსოფლიოში ყველაზე ნაკლებად კორუმპირებული მთავრობა ვართ“,-ამის შესახებ ირაკლი ღარიბაშვილმა რეგიონალურ ხელისუფლების წარმომადგენლებთან  შეხვედრისას განაცხადა.
მისივე თქმოთ , ქვეყანაში ნებისმიერი კანონდარღვევა აღკვეთილი იქნება და პირი, რომელიც დანაშაულს ჩაიდენს დაისჯება.

„ჩვენ მსოფლიოში ყველაზე ნაკლებად კორუმპირებული მთავრობა ვართ, მსოფლიოში მე-11  ადგილზე  და ეს არის ის მიღწევა,  რითაც მე და ჩვენი გუნდი ვამაყობთ ცენტრალურ  და ადგილობრივ დონეზე, ეს არის ძალიან მნიშვნელოვანი ინდიკატორი ჩვენი ქვეყნის, ჩვენი ხელისუფლების თუ როგორი მთვარობა ჰყავს ქვეყანას.  მე მინდა ამ საკითხს ძალიან დიდი ყურადღება დავუთმოთ , ჩვენ ვიქნებით დაუნდობელი კორუფციის წინაშე. ჩვენ არაერთი მაგალითი გამოვავალინეთ და ეს არ არის სისტემური. მადლობა ღმერთს,  რომ ამის ბევრი ფაქტი არ დაფიქსირებულა, მაგრამ მინდა ყველამ იცოდეს, ვინც არ უნდა იყოს ის, არავინ არ დგას კანონზე მაღლა, ნებისმიერი კანონდარღვევა იქნება დაუყოვნებლივ აღკვეთილი.  ყველა პირი, რომელიც დანაშაულს ჩაიდენს იქნება დასჯილი“,-განაცხადა ირაკლი ღარიბაშვილმა. 

ცნობისთვის, პრემიერ–მინისტრი ირაკლი ღარიბაშვილი ამწუთებში სასტუმრო "ქორთიარდ მარიოტში" გუბერნატორებს, ქალაქების მერებსა და მუნიციპალიტეტების გამგებლებს ხვდება. შეხვედრაში ეკონომიკური გუნდის მინისტრები მონაწილეობენ. ამასთან, შეხვედრას ესწრებიან განათლების, ჯანდაცვის, იუსტიციისა და სოფლის მეურნეობის მინისტრებიც. შეხვედრაზე, რომელიც დახურულ კარს მიღმა მიმდინარეობს, სხვადასხვა მუნიციპალიტეტებში პროექტებისა და პროგრამების მიმდინარეობასთან დაკავშრებულ საკითხებზე იქნება საუბარი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო