2016-05-03 11:21:39, 1148 ნახვა

---

ეშ კარტერი: პოლონეთსა და ბალტიისპირეთში სამხედროების განლაგება რუსეთის აგრესიის წინააღმდეგ ძალისხმევაა

ნატო პოლონეთსა და ბალტიისპირეთის ქვეყნებში ათასობით სამხედროს გაგზავნის გეგმაზე მსჯელობს, - ამის შესახებ Washington Post-ი აშშ-ის თავდაცვის მინისტრზე ეშ კარტერზე დაყრდნობით იუწყება.

როგორც კარტერმა აღნიშნა, ეს იქნება რუსეთის შესაძლო აგრესიის შეკავებისკენ მიმართული ძალისხმევა.

მედიასაშუალების ინფორმაციით, საუბარია 4 000 სამხედროსგან შემდგარ 4 ბატალონზე, აქედან 2 აშშ-დან, დანარჩენი კი დიდ ბრიტანეთსა და გერმანიიდან იქნება გაგზავნილი.

კარტერს არ დაუკონკრეტებია, თუ რომელი ქვეყნის სამხედროები განლაგდებიან აღმოსავლეთ ევროპაში, თუმცა აღნიშნა, რომ საბოლოო გადაწყვეტილებას ალიანსი სავარაუდოდ, ვარშავის სამიტზე მიიღებს.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი