უკრაინაში ამ ეროვნული გლოვის დღეს, ჩემი ფიქრები ბავშვებთან, მშვიდობიან მსხვერპლთან, მათ შორის 4 აპრილს, კრივოი როგში რუსეთის მიერ მიყენებული სისხლიანი დარტყმების შედეგად დაზარალებულებთანაა - ამის შესახებ წერს საფრანგეთის პრეზიდენტი, ემანუელ მაკრონი პლატფორმა X-ზე

მისივე თქმით, გასულ ღამეს, რუსეთი კვლავ დაესხა საცხოვრებელ უბნებს კიევსა და უკრაინის რამდენიმე სხვა ტერიტორიაზე.

,,იმ დროს, როდესაც უკრაინამ თითქმის ერთი თვის წინ 30 დღის ვადით ცეცხლის სრული და უპირობო შეწყვეტის შესახებ პრეზიდენტ ტრამპის წინადადება მიიღო და როდესაც ჩვენ პარტნიორებთან ერთად მშვიდობის მიღწევის გზებზე ვმუშაობთ, რუსეთი ომს კიდევ უფრო დიდი ინტენსივობით აგრძელებს, არ ითვალისწინებს მშვიდობიან მოსახლეობას.

ეს რუსული იერიშები უნდა დასრულდეს. ცეცხლი რაც შეიძლება მალე უნდა შეწყდეს და აუცილებელია მტკიცე ზომების მიღება იმ შემთხვევაში, თუ რუსეთი კვლავ დროის გაწელვასა და მშვიდობისგან თავის არიდებას განაგრძობს.

რამდენ ხანს აპირებს რუსეთი აშშ-სა და უკრაინის მშვიდობიანი წინადადებების უგულებელყოფას და ბავშვებისა და მშვიდობიანი მოქალაქეების ხოცვას?''- წერს ემანუელ მაკრონი

ავტორი: ექსპრესნიუსი,

სოციალური ქსელები

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში

ევროპარლამენტმა და ევროსაბჭომ შავი ზღვის წყალქვეშა კაბელის პროექტს ორმხრივი ინტერესის პროექტის (PMI) სტატუსი მიანიჭა

ოპოზიციური ალიანსი: გალში მცხოვრებ ქართველებს მშობლიურ ენაზე სწავლა ეკრძალებათ და „ოცნების“ პარტია მათ არ იცავს