"თუ ვინმე დამნაშავეა ის უნდა დაისაჯოს, თუ არაა დამნაშავე, არ უნდა დაისაჯოს", - ასე შეაფასა ეკონომიკისა და მდგრადი განვითარების  მინისტრმა დიმიტრი ქუმსიშვილმა "რუსთავი2"-ის მხარდამჭერი აქციის მონაწილეების დაკავება და მათთვის ბრალის წაყენება.

როგორც ქუმსიშვილმა აღნიშნა, ის არ არის მოსამართლე,  არც შინაგან საქმეთა სამინისტროს წარმომადგენელი და იმ ინფორმაციას ფლობს, რასაც სხვადასხვა წყაროებიდან იღებს.

"არ ვარ მოსამართლე, არც შინაგან საქმეთა სამინისტროს წარმომადგენელი, ინფორმაცია მაქვს ის, რომელსაც ვიღებ შესაბამისი წყაროებიდან, თუ ვინმე დამნაშავეა, ის უნდა დაისაჯოს, თუ არაა დამნაშავე, არ უნდა დაისაჯოს. ლოგიკა მაქვს ძალიან მარტივი", - განაცხადა დიმიტრი ქუმსიშვილმა.

ცნობისთვის, რუსთავი 2-ის მხარდამჭერი აქციის მონაწილეებს ბრალი გუშინ  წაუყენეს. დაკავებული 3 პირიდან ორის მიმართ დაწყებულია გამოძიება სისხლის სამართლის კოდექსის 239-ე მუხლით, რაც ხულიგნობას გულისხმობს და 4-7 წლამდე პატიმრობას ითვალისწინებს.

კიდევ ერთ დაკავებულს მირიან დეისაძეს კი, ხულიგნობასთან ერთად საგამოძიებო ორგანო ადამიანის ცემაშიც სდებს ბრალს. ამ წუთებში კი, ქუთაისის საქალაქო სასამართლოში დაკავებულების პროცესი მიმდინარეობს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე იაკობი - ცხვირს არავის არსად არ ჩავაყოფინებთ! კარგად გაითვალისწინოს ყველამ

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება