ძალიან გვეშინია იმის, რომ სიტუაცია, რომელიც აქამდე ასე მოვიყვანეთ, არ გახდეს არაკონტროლირებადი და ზაფხულს კორონას მატებით არ შევხვდეთ, - ამის შესახებ დაავადებათა კონტროლისა და საზოგადოებრივი ჯანდაცვის ეროვნული ცენტრის დირექტორის მოადგილემ, პაატა იმნაძემ განაცხადა.

მისი თქმით, ბოლო სამ დღეში დაფიქსირდა იმაზე მეტი შემთხვევა, რაც საქართველოში მთლიანად არის დაფიქსირებული.

„ძალიან მესმის, რომ შეწუხდა ჩვენი მოსახლეობა ამ შეზღუდვებისგან, მაგრამ გვერდზე გვაქვს ჩვენი მეზობელი ქვეყანა, ჩვენხელა ქვეყანა სომხეთი, რომელმაც პრაქტიკულად ყველა შეზღუდვა ერთდროულად გააუქმა. თუმცა საინტერესოა, რომ საგანგებო მდგომარეობა შენარჩუნებული იქნა, ოღონდ გაუქმდა აკრძალვები ტრანსპორტი იქნება ეს, თუ რესტორნები. არა თუ ღია, დახურული რესტორნებიც ამუშავდა. ანუ, ყველაფერი გაიხსნა, ეკონომიკა მთლიანად გაიხსნა. ჯერჯერობით რასაც ვუყურებთ, ბოლო სამ დღეში დაფიქსირდა იმაზე მეტი შემთხვევა, რაც საქართველოში მთლიანად არის დაფიქსირებული. ამიტომ ძალიან ფრთხილად ვუდგებით ამ საკითხს. მოგეხსენებათ, ნელ-ნელა იხსნება ბევრი რეგულაცია, მაგრამ მაინც ფრთხილად უნდა ვიყოთ. იგივე სამ კაცზე, როდის დაიშვება ტრანსპორტში, რა თქმა უნდა, ესეც მოიხსნება, მაგრამ ვიმეორებ, ჩვენ ძალიან გვეშინია იმის, რომ სიტუაცია, რომელიც აქამდე ასე მოგვიყვანია, არ გახდეს არაკონტროლირებადი, არ გაგვექცეს ხელიდან და ამ ზაფხულს არ შევხვდეთ კორონას ახალი მატებით“,- განაცხადა პაატა იმნაძემ.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი