სახლს, რომელშიც ჯოან როულინგის პერსონაჟი - ჰარი პოტერი დაიბადა, აუქციონზე გაყიდიან, - ამის შესახებ Telegraph იუწყება.

ბრიტანული გამოცემის ინფორმაციით, სახლის საწყისი ფასი 995 ათასი ფუნტია, რაც დაახლოებით 1,3 მილიონი დოლარია. 

2016 წელს მედიაში ვრცელდებოდა ინფომრაცია, რომ იყიდებოდა "ჰარი პოტერის" კიდევ ერთი პერსონაჟის, ჰერმიონა გრეინჯერის სახლი, რომლის ფასი 2.4 მილიონი ფუნტი იყო.

"ჰარი პოტერის" ფილმის სცენარის თანახმად, სახლი სკოლის ("ჰოგვარტსის") დირექტორის ალბუს დამბლდორის მშობლიურ ქალაქში, გოდრიკის ღრმულში მდებარეობს, სადაც ჰარი პოტერი დაიბადა და სადაც მისი მშობლები ვოლდემორტმა მოკლა. 

როგორც მედია საშუალება წერს, რეალურად აღნიშნული სახლი საფოლკში, სოფელ ლავენჰემში მდებარეობს. სახლი XIV-XVII საუკუნეებში ინგლისში უმდიდრეს ოჯახს, დე ვერებს ეკუთვნოდა. ისტორიკოსების ნაწილი მიიჩნევს, რომ მეფე ჰენრი XVIII ამ სახლს 1498 წელს ნადირობის დროს სტუმრობდა. სახლში 6  საძინებელი, ოთახი ხატვისთვის, მისაღები, სასადილო და 2 სამზარეულოა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი