კოდორის ხეობაში პრეზიდენტის ყოფილი რწმუნებულის, ემზარ კვიციანის განცხადებით, ბიზნესმენი ბესიკ ხარძიანი, პოლიტიკურ საქმიანობას გეგმავდა. 

როგორც კვიციანმა აღნიშნა,  ხარძიანს მკვლელობამდე ერთი საათით ადრე შეხვდა, სადაც მომავალ პოლიტიკურ საქმიანობაზე ისაუბრეს.ბესიკ ხარძიანი კვიციანთან ერთად "პატრიოტთა ალიანსში" გაწევრიანებას აპირებდა.

,,იმ დღეს ერთად ვიყავით, მკვლელობიდან დაახლოებით, ერთი საათის წინ შევხვდით ერთმანეთს. პირველი საათი ხდებოდა, როცა სასტუმრო ,,საქართველოში“ მივედი, ვისაუბრეთ, შემდეგ  მე წავედი, ხოლო ბესო იქ დარჩა.  ბესოს სასამართლო პროცესი 13 მაისისთვის გადაუდეს და ეს კარგად არ ენიშნა. ჩვენ პოლიტიკური მოღვაწეობა უნდა გაგვეძლიერებინა. ერთად გადავწვიტეთ, რომ "პატრიოტთა ალიანსში"  ვყოფილიყავით და ერთად გვებრძოლა“,-განაცხადა კვიციანმა.

ბიზნესმენი ბესიკ ხარძიანი საკუთარ სახლთან ცეცხლსასროლი იარაღით გუშინ  დაჭრეს. მოგვიანებით იგი რესპუბლიკურ საავადმყოფოში გარდაიცვალა.  ბესიკ ხარძიანი კუს ტბის აქციებს ფლობდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა