აჭარის ა.რ მთავრობის თავმჯდომარე ზურაბ პატარაძე ქობულეთის სავაჭრო ცენტრში იმყოფებოდა, სადაც ადგილობრივ მოვაჭრეებს შეხვდა.

ზურაბ პატარაძე ქობულეთის მოვაჭრეების პრობლემებს უშუალოდ მათგან გაეცნო. მთავრობის თავმჯდომარე თითოეულ ადამიანთან შეხვედრისას მუდმივად ხაზს უსვამდა ერთიანი ძალისხმევით უკეთესი მომავლისათვის ბრძოლის აუცილებლობას:

"რეგიონისა და ქვეყნის საკეთილდღეოდ მზად ვარ თქვენთან ერთად, 24 საათიან რეჟიმში ვიმუშაო პრობლემების აღმოსაფხვრელად, ვიმუშაოთ იმისათვის, რომ თითოეულ თქვენგანს გქონდეთ ცხოვრების უკეთესი პირობები, უკეთესი მომავალი",- აღნიშნა პატარაძემ.

მან ასევე ქობულეთის მუნიციპალიტეტის სოფლებში გამართა შეხვედრები.

ზურაბ პატარაძემ ოჩხამურისა და თიკერის მოსახლეობას "ქართული ოცნება-დემოკრატიული საქართველოს" ქობულეთის მუნიციპალიტეტის მაჟორიტარი კანდიდატები საქართველოს პარლამენტსა და აჭარის უმაღლეს საბჭოში - კობა ნაკაიძე და გიორგი რომანაძე წარუდგინა.

ზურაბ პატარაძე მოსახლეობას ესაუბრა იმ პროექტებზე, რომელიც ქართული ოცნების პირობებში განხორციელდა და მომავალშიც იგეგმება. მთავრობის თავმჯდომარემ მოისმინა ადგილობრივი მოსახლეობის პრობლემები და მათი ერთიანი ძალისხმევით დაძლევის აუცილებლობაზე ისაუბრა.

"ყველა უწყება, ყველა სამსახური, ისევე როგორც თითოეული თქვენგანი უნდა ვიყოთ მოწოდებულები მაქსიმალურად დავიხარჯოთ ჩვენი სოფლის, ჩვენი კუთხის, ჩვენი ქვეყნის უკეთესი მომავლისა და კეთილდღეობისათვის", - განაცხადა ზურაბ პატარაძემ მოსახლეობასთან შეხვედრებისას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის მიერ ირანის პორტების ბლოკადა ძალაში შევიდა. ტრამპი „თავდამსხმელი გემების“ განადგურებით იმუქრება

უკრაინამ ერთ თვეში მეორედ შეუტია ევროპაში უდიდეს რუსულ ფოსფატურ სასუქების ქარხანას

პეტერ მადიარმა უნგრეთის საგარეო საქმეთა მინისტრი კონფიდენციალური დოკუმენტების განადგურებაში დაადანაშაულა

მადიარი -ორბანი საკუთარი ხალხის პრობლემებზე არ საუბრობდა, ის მოსახლეობას ომით აშინებდა