ღარიბაშვილი: ვინაიდან, ლარის გაუფასურებამ მოქალაქეების ჯიბეზე ნეგატიური გავლენა იქონია, მზად ვართ ქამრები შემოვიჭიროთ

2015-02-21 13:30:43, 531 ნახვა

პოლიტიკა

„ვინაიდან, ლარის გაუფასურებამ მოქალაქეების ჯიბეზე ნეგატიური გავლენა იქონია, მზად ვართ ქამრები შემოვიჭიროთ“, - ამის შესახებ პრემიერ-მინისტრმა ირაკლი ღარიბაშვილმა ჟურნალისტებს განუცხადა.

მისივე თქმით, მთავრობამ, შესაძლოა, ადმინისტრაციული ხარჯები შეამციროს.

„ვინაიდან, ლარის გაუფასურებამ ჩვენი მოქალაქეების ჯიბეზე და ასევე კომპანიებზე ნეგატიური გავლენა იქონია, ჩვენ მზად ვართ ქამრები შემოვიჭიროთ და მუშაობა მაქსიმალურად ეფექტიანად, კოორდინირებულად გავაგრძელოთ. ჩვენ ყველაფერს უნდა გადავხედოთ. ალბათ, მოგვიწევს ადმინისტრაციული ხარჯების შემცირება. ჩვენი ბიუჯეტი მაქსიმალურად, გონივრულად, მიზანმიმართულად და რაციონალურად უნდა ვხარჯოთ", - განაცხადა ირაკლი ღარიბაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან