2025-10-28 18:42:45, 602 ნახვა
პოლიტიკა
კოალიცია ცვლილებისთვის - რეჟიმმა კიდევ ერთხელ თქვა, რომ სუსტია და ეშინია ევროპული ძალების
"რეჟიმმა კიდევ ერთხელ გამოხატულად თქვა, რომ არის სუსტი და ეშინია ევროპული ძალების სამართლიან არჩევნებში" - ამის შესახებ კოალიცია ცვლილებისთვის ერთ-ერთმა ლიდერმა თენგო თევზაძემ კოალიციის სახელით გამართულ ბრიფინგზე განაცხადა. ის ქართული ოცნების მომზადებულ კონსტიტუციურ სარჩელს გამოეხმაურა, რომელიც სამი პოლიტიკური პარტიის აკრძალვას ითხოვს.
“ჩვენ ყველა ბერკეტს გამოვიყენებთ იმისათვის, რომ ქართული ოცნება დამარცხდეს და ეროვნული ძალები მოვიდეს ხელისუფლებაში. საქართველოს სჭირდება ერთიანობა და ძლიერ სახელმწიფოდ ჩამოყალიბება, რომელიც მოხდება საქართველოს ევროკავშირში გაწევრიანებით და რეალური სუვერენიტეტის დაბრუნებით.
დღეს თუ ვინმე გვართმევს სუვერენიტეტს, ეს არის რუსული რეჟიმი, ბრძოლა იქნება ბოლომდე საქართველოს გამარჯვებამდე” - განაცხადა თევზაძემ.
ავტორი: ექსპრესნიუსი,
epn.ge (@expressnews.ge)
