ქუთაისის მეორე ციხეში პატიმარი უკვე ორი კვირაა შიმშილობს. 

როგორც ოჯახის წევრები მედიასთან აცხადებენ, მსჯავრდებული მკაცრი რეჟიმის დაწესებულებიდან ღია ტიპის საპატიმროში გადაყვანას მოითხოვს, მაგრამ მათივე თქმით, ციხის ადმინისტრაცია უარზეა.

ახლობლები განმარტავენ, რომ უარის მიზეზი აბსურდულია. კაცს, რომელიც საპატიმროს მარკეტში მუშაობს, ეუბნებიან, რომ მისი შემცვლელი არ ჰყავთ და ამიტომ ვერ გადაიყვანენ შედარებით უკეთეს პირობებში - გეგუთის ციხეში.

ოჯახის წევრების მიმართვის ადრესატია ციხის ხელმძღვანელი გოჩა კანდელაკი, რომელსაც სთხოვენ, მიიღოს ზომები და პატიმრის მოთხოვნა დააკმაყოფილოს. 

,,სულ გვეუბნებიან იმას, რომ კი, გადავიყვანთ. საბოლოო ჯამში, საქმე საქმეზე რომ მიდგება, არავის გადაჰყავს და ამიტომ შიმშილობა დაიწყო და ძალიან ცუდ მდგომარეობაშია. არც სახალხო დამცველი, არც არავინ... ჯერჯერობით არავინაა შესული. შველას ვითხოვთ, ხომ უნდა იყოს რაღაცა საშველი, რომ გადაგვიყვანონ მაინც. დახურულში უკვე 9 წელია რომ ზის. და 9 წლის განმავლობაში იმდენი იყო შეპირება, ახლა არჩევნები იწყება, დაგვეხმარე. თავისუფლად შეიძლება განცხადება დაწერო და ერთი ციხიდან მეორეში გადაიყვანონ. კარგად იქცევა, მუშაობს მანდ და ყველაფერი კარგი აქვს. შენ აქ გვჭირდებიო... გასაგებია, მაგრამ ოჯახსაც ხომ გვჭირდება. ხალხი კლავს, აუპატიურებენ, იმათ არ აძლევენ ამდენ წელს, ამას რომ აქვს'', - ამბობს პატიმრის ოჯახის წევრი.

თუ ლევან ნოდიას პენიტენციური სამსახური მოთხოვნას არ დაუკმაყოფილებს, მისი ძმა გეგმავს, ორშაბათიდან ციხი ეზოში თავად მშრალი შიმშილობა გამოაცხადოს.  

,,ამ დილით რომ დამირეკა, ახლაც არელვებული ვარ, ვინაიდან ძალიან ცუდადაა. უძლურია უკვე ადამიანი, რამდენი დღეა, შიმშილობს. მშრალი შიმშილობა აქვს გამოცხადებული. მე მინდა, მივმართო ქუთაისის მეორე დაწესეუბლების უფროსს, გოჩა კანდელაკს, რომ რეაგირება მოახდინოს და გადაიყვანოს ლევან ნოდია მე-1 დაწესებულებაში. წინააღმდეგ შემთხვევაში, მეც ვუერთდები ჩემს ძმას და ვუცხადებ სოლიდარობას. ორშაბათს დილიდან მეც მეორე დაწესებულების ეზოდან მეც ვაცხადებ მშრალ შიმშილობას, - ამბობს ლევან ნოდიას ძმა.  

ლევან ნოდიას ცნობით, პატიმრის მდგომარეობის შესახებ ინფორმირებულია ომბუდსმენიც, თუმცა ის ამ დრომდე ლევან ნოდიას მოსანახულებალდ არ შესულა.  

ავტორი: ექსპრესნიუსი,

სოციალური ქსელები

ლაშა შავდათუაშვილი და ეთერი ლიპარტელიანი ძიუდოში ევროპის ჩემპიონები გახდნენ

ენმ-ის თავმჯდომარე: ივანიშვილი ზახაროვას დავალებას ბრწყინვალედ ასრულებს

ფრანგმა კანონმდებლებმა კოლონიური ეპოქის დროს ჩამორთმეული ძვირფასი ნივთების დაბრუნების შესახებ კანონი დაამტკიცეს

საქართველოში სოციალური დახმარების მიმღებთა რაოდენობა თითქმის 6%-ით შემცირდა