დიდი ოდენობით თანხების მართლსაწინააღმდეგო მითვისების ფაქტზე ბრალდებული გიორგი ჩიკვაიძე მრავალპროფილურ კლინიკაში გადაყვანას ითხოვს.

როგორც გიორგი ჩიკვაიძის ოფიციალური „ფეისბუქ“ გვერდის მიერ გავრცელებულ ინფორმაციაშია ნათქვამი, გიორგი ჩიკვაიძის ჯანმრთელობის მდგომარეობა ყოველდღიურად მძიმდება.

„გიორგი ჩიკვაიძე მოითხოვს მრავალპროფილურ საავადმყოფოში გადაყვანას, რაზეც პენიტენციური დაწესებულება დუმს! გიორგი, მე-19 დღეა შიმშილობს!

საკუთარი უსაფრთხოებიდან გამომდინარე უარს აცხადებს საპატიმროს კლინიკის ნებისმიერ სამედიცინო დახმარებაზე. გიორგის ჯანმრთელობის მდგომარეობა მძიმეა და ყოველდღიურად მძიმდება“,- ნათქვამია გიორგი ჩიკვაიძის ოფიციალური „ფეისბუქ“ გვერდის მიერ გავრცელებულ ინფორმაციაში.

ცნობისთვის, დიდი ოდენობით თანხის მართლსაწინააღმდეგო მითვისების ფაქტზე ბრალდებულ გიორგი ჩიკვაიძეს აღკვეთის ღონისძიების სახით შეფარდებული 50 000-ლარიანი გირაო პატიმრობით შეეცვალა. 11 მარტს გიორგი ჩიკვაიძე სასამართლოს სხდომათა დარბაზში დააკავეს. მასთან ერთად ბრალდებულია მისი მეგობარი ირაკლი პაპიაშვილიც, თუმცა, მას აღკვეთის ღონისძიების სახით 50 000-ლარიანი გირაო აქვს შეფარდებული. გიორგი ჩიკვაიძემ შიმშილობა 12 მარტს დაიწყო.

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი