2015-04-19 13:39:33, 951 ნახვა

---

დოდო გუგეშაშვილი: უკრაინელი სამხედროები ამბობდნენ, რომ გიორგი ჯანელიძე ძალიან გმირულად იბრძოდა

 „უკრაინელი ჩემი თანამებრძოლები ამბობდნენ,  რომ გიორგი ჯანელიძე ძალიან გმირულად იბრძოდა“,- ამის შესახებ „ექსპრესნიუსს“ უკრაინული ორგანიზაცია „უნა-უნსოს“ წარმომადგენელმა საქართველოში, პოლკოვნიკმა, დოდო გუგეშაშვილმა განუცხადა.

გიორგი ჯანელიძე ბატალიონ „აზოვში“ მოხალისედ  მსახურობდა.  

„ჩემს უკრაინაში  ყოფნაში, ჩემი თანამებრძოლი უკრაინელებისაგან მივიღე ინფორმაცია, რომ კიდევ  ერთი ქართველი, რომელიც დაბრუნდა  თურქეთიდან, მივიდა  ბატალიონ „აზოვში“, იქ ჩაირიცხა როგორც მოხალისედ. ამბობდნენ, რომ ის ძალიან გმირულად იბრძოდა“,-განუცხადა დოდო გუგეშაშვილმა „ექსპრესნიუსს“.

შეგახსენებთ, ქართველი სამხედრო გიორგი ჯანელიძე საბრძოლო მოქმედებების შედეგად შიროკინოში გუშინ დაიღუპა. 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი