დღეს შეწყალებულთა შორის უვადო მსჯავრდებულები არ ყოფილან.

ამის შესახებ შეწყალების კომისიის თავჯდომარემ ზვიად ქორიძემ პრეზიდენტის ადმინისტრაციაში გამართულ ბრიფინგზე განაცხადა.

მისივე თქმით, უვადო მსჯავრდებულებმა შეწყალებუს კომისიას განცხადებით მიმართეს, თუმცა მათზე დადებითი რეკომენდაცია არ გაცემულა.

„ამ ეტაპზე საქართველოს სასჯელაღსრულების სისტემაში 76 უვადო მსჯავრდებული იმყოფება და ბუნებრივია მათ მუდმივად აქვთ სურვილი და შესაძლებლობა შეწყალების კომისიას მომართონ. ამ 76 მსჯავრდებულიდან 8-ს აქვს საფუძველი, რომ დაწეროს განცხადება და კომისიაზე იყოს ის გატანილი. ანუ ესენი არიან მსჯავრდებულები, რომელთაც სასჯელის 15 წელზე მეტი მოიხადეს. კომისია ისევე განიხილავს უვადო მსჯავრდებულთა განცხადებებს, როგორც ნებისმიერი სხვა მსჯავრდებულების“,- აღნიშნა ქორიძემ.

ქორიძის განცხადებით, პრეზიდენტმა მარტში 4 უვადო მსჯავრდებული შეიწყალა, მათ შორის 3 ქალბატონი.

„ეს იყო ძალიან მნიშვნელოვანი მოვლენა, როდესაც პრეზიდენტმა მიიღო გადაწყვეტილება, რომ საქართველოში აღარ იყოს უვადო მსჯავრდებული ქალბატონი და სამივე შეიწყალა. მათ დაუდგინდათ გათავისუფლების ვადა და ისინი უვადო პატიმრები აღარ არიან“, - განაცხადა ზვიად ქორიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი