2015-03-16 13:00:41, 397 ნახვა
პოლიტიკა
მანანა კობახიძე: პარლამენტს პრეზიდენტთან არანაირი სადებატო არ აქვს
პარლამენტის ვიცე–სპიკერი მანანა კობახიძე ვარაუდობს, რომ პარლამენტში პრეზიდენტის გიორგი მარგველაშვილის სიტყვით გამოსვლისას დებატები არ გაიმართება და მხოლოდ ფრაქციების გამოსვლები იქნება.
კობახიძის შეფასებით, პარლამენტს და მითუმეტეს საპარლამენტო უმრავლესობას, პრეზიდენტთან სადებატო არაფერი აქვს.
„რაც შეეხება დებატებს, რეგლამენტი არც იმას ითვალისწინებს, რომ ჩვენ დებატები გავმართოთ პრეზიდენტთან. პარლამენტს, მითუმეტეს უმრავლესობას პრეზიდენტთან არანაირი სადებატო არ აქვს. ამიტომ, ალბათ იქნება ფრაქციების გამოსვლები და ყველა პოლიტიკურ ძალას საშუალება ექნება, დააფიქსიროს თავისი პოზიცია იმ საკითხებზე, რომლებზეც პრეზიდენტი ისაუბრებს. მე ვფიქრობ, რომ დებატები არ გაიმართება“, – აღნიშნა კობახიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
