„უკვე რამდენიმე დღეა გიორგი ქადაგიძის ტონი არ მომწონს“,-ამის შესახებ საპარალმენტო უმრავლესობის წევრმა თინა ხიდაშელმა ჟურნალისტებს განუცხადა.

მისივე შეფასებით, ქადაგიძე მხოლოდ საკუთარ უნიკალურობაზე საუბრობს, თუმცა დეპუტატის  თქმით მისი ფუნქციაა სავალუტო კრიზისიდან გამოსვლაზე გაამახვილოს ყურადღება.

„არ მომეწონა ეროვნული ბანკის პრეზიდენტის ტონი და არ მომწონს უკვე რამდენიმე დღეა, რადგან ძალიან მაღალი ტრიბუნიდან გველაპარაკება ყველა სხვა დანარჩენს.  მისი ფუნქცია ის არ არის, რომ მუდმივად  საკუთარ უნიკალურობაზე ხაზგასმით ილაპარაკოს, მისი ფუნქციაა, რომ მოსახლეობას გასაგებ ენაზე აუხსნას ერთის მხრივ თუ  ის  თვლის, რომ ქვეყანაში სავალუტო კრიზისია,  ეს რამ გამოიწვია.   გაცილებით უფრო მნიშვნელოვანია მოსახლეობას ელაპარაკოს  იმაზე, როგორ უნდა გამოვიდეთ  ამ მდგომარეობიდან. კიდევ უფრო მეტად მას ეს ვალდებულება აქვს,  როცა პარლამენტში მოსმენაზე მოდის,  გველაპარაკოს იმაზე როგორ უნდა გამოვიდეთ ამ მდგომარეობიდან“,-აღნიშნა ხიდაშელმა.

ცნობისთვის, თბილისის პარლამენტში საქართველოს ეროვნული ბანკის პრეზიდენტი გიორგი ქადაგიძე პარლამენტის  დარგობრივი ეკონომიკისა და ეკონომიკური პოლიტიკის და საფინანსო-საბიუჯეტო კომიტეტების სხდომაზე მოხსენებით  გამოვიდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს