საქართველოს იუსტიციის სამინისტროს მმართველობის სფეროში მოქმედმა სსიპ „დანაშაულის პრევენციის ცენტრმა“ „ყოველწლიური მოხალისეობის გამოფენა 2015“-ში მიიღო მონაწილეობა, რომელიც სასტუმრო „ქორთიარდ მარიოტში“ გაიმართა.

გამოფენაში სულ 40-მდე ორგანიზაცია მონაწილეობდა. დანაშაულის პრევენციის ცენტრს წარმოდგენელი ჰქონდა ახალგაზრდული პროგრამების შესახებ საინფორმაციო ბროშურები და პლაკატები. დაინტერესებულ პირებს საშუალება ჰქონდათ შეევსოთ სააპლიკაციო ფორმებიც.

როგორც სსიპ „დანაშაულის პრევენციის ცენტრის“ ახალგაზრდებთან მომუშავე სპეციალისტმა ქეთევან მჭედლიშვილმა განაცხადა, ცენტრი ამ გამოფენაში პირველად მონაწლეობს.  

„ჩვენი მიზანი იყო უფრო დიდი აუდიტორიისთვის ცენტრის საქმიანობის, ახალგაზრდული პროგრამებისა და მათ ფარგლებში მიმდინარე პროექტების გაცნობა. დაინტერესებულმა პირებმა შეავსეს კიდეც სააპლიკაციო ფორმები და ჩვენს პროგრამებში აქტიურად მონაწილეობის სურვილი გამოთქვეს. გამოფენის მონაწილეებს შორის მოხდა გამოცდილებისა და ინფორმაციის გაცვლაც“, - განაცხადა ქეთევან მჭედლიშვილმა.

როგორც ცნობილია, იუსტიციის სამინისტროს დანაშაულის პრევენციის ცენტრის პირველი დონის პრევენციის სამმართველოს პროგრამები ახალგაზრდებში მოხალისეობის დანერგვა-განვითარებას, ჯანსაღი ცხოვრების წესის პოპულარიზაციას, სამოქალაქო და სამართლებრივი ცნობიერების ამაღლებას, არასრულწლოვნებში თავისუფალი დროის საინტერესოდ გატარებას და დანაშაულის პრევენციას ითვალისწინებს.

დანაშაულის პრევენციის ცენტრის ახალგაზრდული პროგრამებიდან აქტიურად მიმდინარეობს „ორი თაობა“, მოხალისე“, „ლიდერთა სახლი“, „წერილები ჯარისკაცებს“ და სხვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი