საქართველოს თავდაცვის მინისტრმა თინათინ ხიდაშელმა ვიცე-პოლკოვნიკ გიგა ავალიანის მეუღლესა და ქალიშვილს უმასპინძლა. თინათინ ხიდაშელი პატარას გაესაუბრა, სიმბოლური საჩუქრები გადასცა და აცნობა, რომ მამას, მაიორ გიგა ავალიანს ვიცე-პოლკოვნიკის წოდება მიენიჭა.

33 წლის ვიცე-პოლკოვნიკი გიგა ავალიანი საქართველოს შეიარაღებულ ძალებში 1999 წლიდან მსახურობს.

სამხედრო კარიერის განმავლობაში მას მრავალი ჯილდო აქვს მიღებული: გენერალ მაზნიაშვილის, გენერალ კვინიტაძის, ქაქუცა ჩოლოყაშვილის უწყებრივი მედლები და მედალი „ლომგული“. ყველაზე მნიშვნელოვანი ჯილდო – ვახტანგ გორგასლის II ხარისხის ორდენი კი ISAF-ის მისიაში გამოჩენილი გმირული თავდადებისთვის გადაეცა.

გიგა ავალიანი 9 წლის იყო, როდესაც აფხაზეთი დატოვა, როგორც თავად ამბობს, სწორედ, ამ ფაქტმა განაპირობა მისი არჩევანი - ემსახურა საქართველოს შეიარაღებულ ძალებში. ამჟამად, ვიცე-პოლკოვნიკი გიგა ავალიანი ავღანეთში მტკიცე მხარდაჭერის მისიაში 52-ე ბატალიონის მეთაურის რანგში მსახურობს.

მას მეუღლე და 4 მცირეწლოვანი შვილი ყავს. სამხედრო მოსამსახურის ოჯახის წევრებთან შეხვედრას საქართველოს შეიარაღებული ძალების გენერალური შტაბის უფროსის მოადგილე, პოლკოვნიკი ნიკოლოზ აგლაძე და სახმელეთო ჯარების აღმოსავლეთ სარდლობის სარდალი, პოლკოვნიკი შავლეგო ტაბატაძე დაესწრნენ.

(ns)
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული