სამების საკათედრო ტაძრის მღვდელმსახურის, არქიმანდრიტი იოვანე მჭედლიშვილის ინფორმაციით, კვირას, 22 მარტს, კათოლიკოს-პატრიარქის დაკრძალვაზე ლიტურგიული მსახურება დილის 9 საათზე დაიწყება. მსოფლიო პატრიარქი ბართლომეოსი სამების საკათედრო ტაძარში 12 საათისთვის მივა და განსვენებულ პატრიარქს მღდველმთავრებთან ერთად წესს აუგებს.

მრევლი ეზოში შეიკრიბება. იქნება სიტყვით გამოსვლები და ქადაგებები ილია მეორის შესახებ. დაკრძალვის დღეს ტაძარში შეზღუდვებიც იმოქმედებს. სამების საკათედრო ტაძარში მღვდელმთავრები შეზღუდული რაოდენობით, მხოლოდ საშვებით დაიშვებიან.

"კვირის მსახურება დაიწყება დილით 09:00 საათზე. მეუფე შიო, მღვდელმთავრებთან ერთად, აღავლენს წირვას. მსოფლიოს პატრიარქის თვითმფრინავი, დაახლოებით, 11:00 საათზე დაფრინდება თბილისის აეროპორტში და 12:00 საათისთვის ველოდებით აქ. ეს არის მისი გადაწყვეტილება და წესის აგებაში მიიღებს მონაწილეობას. ის აუგებს წესს მღვდელმთავრებთან ერთად" - თქვა მედიასთან სამების საკათედრო ტაძრის მღვდელმსახურმა, არქიმანდრიტმა იოვანე მჭედლიშვილმა.

ავტორი: ექსპრესნიუსი,

სოციალური ქსელები

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია

ბაზისბანკი და BSTDB საქართველოში მცირე და საშუალო ბიზნესის და მწვანე ინვესტიციების მხარდასაჭერად პარტნიორობას აფართოებენ

ოცნებამ პირველი მოსმენით მიიღო ცვლილებები "გრანტების შესახებ" კანონში