მე ვარ ადამიანი, ვისაც 3 წლის განმავლობაში უთვალთვალებენ, იღებენ, აშანტაჟებენ, უსმენენ, აქვეყნებენ, ოჯახის უსაფრთხოებით ემუქრებიან და დიახ 8 ოქტომბერი იქნება რეფერენდუმი, რიგითი ნიკა გვარამიას გადასარჩენად, - ამის შესახებ "რუსტავი 2" - ის გენერალურმა დირექტორმა ნიკა გვარამია საგანგებო ბრიფინგზე განაცხადა.

როგორც გვარამიამ აღნიშნავს, 2016 წლის 8 ოქტომბრი არ იქნება უბრალოდ არჩევნები, ეს იქნება რეფერენდუმი, რომელშიც ხმა უნდა მივცეთ, ქვეყანაში დემოკრატიის გადარჩენას, თავისუფალი მედიის და "რუსთავი 2"-ის გადარჩენას და ვუთხრათ არა მოსმენებს.

"8 ოქტემბერს ჩვენ უნდა ვუთხრათ არა, ყველაფრის ამის შემოქმედს, "ქართულ ოცნებას". წადით ამ რეფერენდუმზე და შემოხაზეთ ნებისმიერი ნომერი, 41-ის გარდა. ეს ძალა საქართველოს ღუპავს და ამას აკეთებს განსაკუთრებული სისასტიკით, ცინიზმით და თავხედობით.

რეფერენდუმი გადაარჩენს ადამიანებს, რომლებიც პოლიციის ავადმყოფური დავალებების გამო იღუპებიან. გავიხსენებ სამტრედიის ფაქტს.

ეს არის ბიძინა ივანიშვილის, მანიაკალური ბოდვებით შეპყრობილი ადამიანის პროექტი, რომლის მთავარი სიამოვნება ამ ცხოვრებაში არის სხვა ადამიანების თვალთვალი. არ შეიძლება ასეთი ადამიანი მართავდეს ქვეყანას. 8 ოქტომბერს ის უნდა წავიდეს და ყველაფრისთვის გასამართლდეს. ყველა დანარჩენი არის მარიონეტი და შემსრულებელი, ისინი თვითონ არიან ამ მანიაკის მსხვერპლნი", - განაცხადა გვარამიამ.  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული

შსს: დავაკავეთ კაცი, ფიზიკური შეურაცხყოფა მიაყენა ქალს, სიცოცხლის მოსპობით დაემუქრა

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს